Â鶹Éç

'S E 'n Tighearna fhèin mo chìobair -
Cha bhith dìth orm gu bràth;
Gu rèitich E na seòlaidean
Gam threòrachadh gu ghràs.
Gun ciùinich E na gàir-thonnan
A shàraicheadh mo chùrs',
'S an cluaintean uaine Phàrrais
Bidh gach ànradh air mo chùl.

³§Ã¨¾±²õ³Ù / Chorus

'S E 'n Tighearna fhèin mo chìobair -
Cha bhith dìth orm gu bràth;
Gu rèitich E na seòlaidean
Gam threòrachadh gu ghràs.

Gu seall E sligh' na fìrinn dhomh
Nach dìobair mi rim bheò;
Gum beathaich E le ghràsan mi
'S le sàthach fhuil is fheòil;
Le thaic a bhith gam chuartachadh
Cha bhuannaich orm an nàmh,
'S tro uisge ciùin a thròcair
Nì mi seòladh le mo bhàt'.

Deasaichidh E bòrd dhomh
Fo mo chòmhair loma-làn;
Mo chupa nì E lìonadh,
Bidh gach biadh leam nas fheàrr;
'S ged bhiodh mo shiubhal ànrachdach
Tro sgàile gleann nan deòir,
Le brìgh a ghràis gum buannaich mi
Gu duais an Tìr na Glòir.