Ar y teledu
Bu cyfres deledu Saesneg What's in a name gyda Trevor Fishlock a Nia Roberts yn trafod rhai o'r cwestiynau 'rydych chi wedi eu codi ar y wefan hon neu ar y radio. Mwy am y gyfres deledu (Saesneg).
Ar y radio
Mae gêm banel Beth sy' mewn enw'n cael ei ddarlledu ar Radio Cymru ar fore Sul am bedair wythnos o 27 Mai. Bydd ail ddarllediad ar Ddydd Mawrth. Mwy am y gyfres radio.
Roedd slot wythnosol ar raglen Hywel a Nia dros fisoedd Chwefror a Mawrth gyda'r Athro Hywel Wyn Owen, Cyfarwyddwr Canolfan Ymchwil Enwau Lleoedd Prifysgol Cymru Bangor yn ateb rhai o'ch cwestiynau chi. Mae clipiau sain o'i atebion ar gael ar y wefan.
Ar y We
Mae nifer ohonoch wedi cyfrannu i'r wefan gyda'ch straeon difyr a doniol am enwau lleoedd, ond hoffen ni glywed mwy. Cysylltwch â ni.
Ar wefan Saesneg 'What's in a name' mae modd i chi geisio darganfod ystyr a tharddiad enwau lleoedd penodol drwy ddefnyddio'r chwiliwr newydd.
Felly, os fuoch chi'n pendroni pwy oedd y seintiau yn Llanpumsaint neu'r Madog yn Porthmadog, rhowch gynnig arni. Rydyn ni'n awyddus i glywed eich barn. Chwiliwr enwau lleoedd (Saesneg).
Lansiad y prosiect
Lansiodd Beth sy' mewn enw ar 16 Chwefror ar raglen Hywel a Nia ar Radio Cymru a rhaglen Roy Noble ar Radio Wales.
Daeth yr Athro David Thorne i ymuno â Hywel a Nia yn Llanbedr Pont Steffan i drafod faint mae enw'n gallu ei ddatgelu am le - ei hanes, ei dirwedd, ei bobl a'u hiaith.
.
