|
Mae trigolion Hirwaun wrth eu boddau gyda'r penderfyniad i gofrestru ardal Y Gloucesters a'r Gweithfeydd Haearn fel clwt pentref (village green).
Ar ôl pum mlynedd o frwydro i gadw'r tir ar gyfer gweithgareddau adloniant, bu 'Action for Hirwaun' yn dathlu'r penderfyniad ddiwedd Gorffennaf.
Dechreuodd yr ymgyrch ar ôl i arolygwr cynllunio ategu penderfyniad cyngor Rhondda Cynon Taf a gwrthod cais cwmni Piper Homes i adeiladu tai ar y tir hanesyddol. Apeliodd y cwmni yn erbyn y penderfyniad, and methiant fu eu hymgyrch nhw.
Bu'r fuddugoliaeth yn un bersonol iawn i nifer o drigolion yr ardal, ac mae'r ymgyrch leol yn erbyn y datblygiad wedi atgyfnerthu'r gymuned wrth i'r ymgyrch dynnu ar agwedd y gellid ei disgrifio fel 'Pwer y Bobl'. Nid arian nac arbenigedd cyfreithiol oedd y tu cefn i'r ymgyrch, and gwaith caled a chred y gymuned y dylid brwydro i gadw'r ardal i'r genhedlaeth bresennol a'r cenedlaethau i ddod.
 |
Ìý
