|
Fe wnaethant 4 diwrnod o waith maes ynghyd â helpu fel swyddogion yng nghwrs iaith bl 7 i Ogwr.
Treuliwyd y diwrnod cyntaf yng ngwarchodfa natur Kenffig i astudio ecosystem y twyni tywod.
Roedd yn ddiwrnod braf ac yn sicr roedd angen defnyddio eli haul (Mr Payne)!
Yn ogystal darganfuwyd rhai'r gamp newydd o lithro lawr y twyni (Rhys)?
Aethpwyd â hwy ar yr ail ddiwrnod i astudio arwahaniad, manwerthu ac ailddatblygu yng Nghaerdydd. Cawsant ddiwrnod prysur yma ac ychydig o drafferth wrth holi cwestiynau i drigolion y ddinas.
Roedd y tywydd wedi troi ar y trydydd diwrnod wrth i'r disgyblion astudio gwrth drefoli ym Mro Morgannwg. Synnwyd pawb gyda phrisiau tai yn yr ardal.
Gorffennwyd y gwaith maes gyda thaith gerdded ar hyd yr afon Mellte, taith wastad a sych yn ôl Mr Morris. Nod y daith oedd gweld yr olygfa arbennig o Sgwd yr Eira. Roedd pawb wedi blino ar ôl y pedwar diwrnod ond roedd agwedd a Chymreictod y grŵp yn wych.
 |
Ìý
