 |
|
 |
Helpu gyda llythrennedd a rhifedd |
|
|
Rhybudd iechyd! Awgryma tystiolaeth y gallai rhoi pwysau ar blant ifanc i ddysgu am lythrennau a rhifau mewn ffordd rhy ffurfiol fod yn wrthgynhyrchiol. Mae ar blant angen lle ac amser i chwarae a darganfod pethau drostynt eu hunain. Er hyn, mae digon o gyfleoedd i ddatblygu sgiliau angenrheidiol mewn sefyllfaoedd dydd i ddydd. Geiriau a darllen:
Dysgwch hwiangerddi iddynt
dechreuwch rannu llyfrau gyda'ch plentyn gorau po gyntaf. Siaradwch am y lluniau, anogwch hwy i ragweld beth allai ddigwydd nesaf, gadewch iddynt hwy droi'r rhannau, gadewch iddynt 'ddarllen' straeon cyfarwydd i chi
gwnewch yn siwr eu bod yn gweld oedolion eraill yn darllen
tynnwch eu sylw at eiriau o'u cwmpas -arwyddion siopau, bocsys bwyd, papurau fferins ac yn y blaen.
gwrandewch ar storïau ar dâp.
gwnewch gerdyn enw (gan ddefnyddio prif lythyren ar ddechrau'r enw yn unig) er mwyn annog y plentyn i adnabod ei enw ei hun. Ysgrifennu:
rhowch ddigon o gyfleoedd iddynt archwilio gwneud marciau. Defnyddiwch greonau tew, sialc, pinnau ffelt a brwshis paent o wahanol drwch. Gallant 'beintio' y tu allan ar lwybr gyda dwr a brwsh trwchus
anogwch eich plentyn i ddal y bensel yn gywir - y bensel rhwng y bawd a'r bys cyntaf gyda'r bysedd eraill oddi tanodd a'r llaw'n gorffwys ar y papur
gadewch iddynt "ysgrifennu" gyda'u bysedd mewn tywod, halen, sebon eillio
anogwch weithgareddau sy'n cryfhau'r bysedd yn barod ar gyfer ysgrifennu - rholio toes, torri papur, rhoi mwclis ar linyn a gwthio careiau drwy dyllau
rhowch gyfle iddynt 'ysgrifennu' rhestrau siopa, cardiau pen-blwydd, gwahoddiadau
gadewch y gwaith o ddysgu ffurfio llythrennau go iawn i'r ysgol - bydd pob ysgol yn dysgu arddull arbennig ac yn eich cynghori sut i helpu'ch plentyn. Mae'n llawer gwell annog eich plentyn i ddilyn patrymau ysgrifennu (llinellau tonnog, igam-ogam, cyrliog a dolennog). Dilynwch y patrymau o'r chwith i'r dde bob amser. Gwefan ddefnyddiol:
Cyngor ymarferol ynglyn â dechrau ysgol. |
|
|
 |
|
|
|
|
