Â鶹Éç

Mae Gweithredu Dros Blant yn cynorthwyo plant a phobl ifanc bregus, yn enwedig y rheiny sydd newydd adael gofal neu sydd ag anableddau. Mae ganddynt swyddfa yng Nghaerdydd. Gwefan Saesneg ei hiaith yw hon.

Elusen sy'n gweithio gyda phlant, pobl ifanc, teuluoedd a chymunedau difreintiedig a bregus ar draws Cymru a gweddill y DU. Mae eu prif swyddfa Cymreig yng Nghaerdydd ond mae ganddynt brosiectau ar draws y wlad, gan gynnwys canolfannau teulu, cynlluniau gofalwyr ifanc, a gwasanaethau maethu a mabwysiadu.

Gwefan sy'n cynnig cyngor i rieni ar agweddau gwahanol o fywyd ysgol - o ddewis pynciau TGAU i ddelio gyda bwlio, helpu gyda gwaith cartref a bod yn llywodraethwr.

Gwasanaeth ffôn sydd ar gael 24 awr y dydd, yn rhad ac am ddim i blant sy'n poeni neu sydd mewn peryg. Mae'n delio gydag ystod eang o broblemau fel bwlio, beichiogrwydd, cyffuriau, camdrin ac iselder. Mae gan Childline 14 o ganolfannau ar draws y DU gan gynnwys Abertawe a Phrestatyn.

Elusen gofrestredig yn cynrychioli grwpiau sy'n gweithio gyda phlant a phobl ifanc ar draws Cymru. Mae dogfennau defnyddiol i rieni i'w cael yn rhad ac am ddim ar y wefan.

Cymru oedd y wlad gyntaf yn y DU i benodi Comisynydd Plant i gynrychioli ac i amddiffyn buddiannau pobl ifanc. Mae staff y Comisynydd yn cynnal gwasanaeth ffon sy'n rhoi cymorth a chyngor i blant ac oedolion.

Sefydlwyd y Ddraig Ffynci gan Lywodraeth Cynulliad Cymru er mwyn rhoi llai i blant a phobl ifanc yn y broses wleidyddol. Mae 100 o bobl ifanc 11-25 oed yn aelodau o'r Prif Gyngor sy'n cwrdd yn rheolaidd i drafod materion perthnasol.

Sefydlwyd Gingerbread yn 1970 i helpu teuluoedd un rhiant ar draws y DU. Mae'n darparu rhwydwaith o grwpiau lleol ac yn cynnig cefnogaeth a hyfforddiant i rieni sengl. Unodd gyda mudiad Teuluoedd Un Rhiant yn 2007. Gwefan Saesneg ei hiaith yw hon.

Mae Chwarae Cymru yn cael ei ariannu yn bennaf gan Lywodraeth Cynulliad Cymru ac fe gyfranodd yn helaeth at lunio'i Polisi Chwarae yn 2002. Mae nifer o daflenni gwybodaeth yn ymwneud â phlant a chwarae i'w cael ar y wefan.

Nod Cymdeithas Achub y Plant yw atal creulondeb i blant a chynnig cymorth a chefnogaeth i deuluoedd. Mae ei llyfrgell electroneg yn cynnwys dros 30,000 o adnoddau gwahanol ar ddiogelu plant.

Dechreuodd Achub y Plant weithio yng Nghymru yn y 1920au, gan estyn cymorth i deuluoedd glowyr mewn ardaloedd tlawd. Mae'r mudiad bellach yn gweithio gyda plant a phobl ifanc bregus, gan gynnwys plant ffoaduriaid a cheiswyr lloches, a'r rheiny sy'n byw mewn tlodi. Gellid lawrlwytho dogfennau am waith Achub y Plant o'u gwefan.

Sefydlwyd Tros Gynnal yn 2002 i ymgyrchu o blaid hawliau plant Cymru a hynny yn sgil penderfyniad Cymdeithas y Plant i gau eu swyddfeydd yng Nghymru. Mae'r elusen yn cefnogi a chynrychioli plant a phobl ifanc fregus trwy gyfrwng prosiectau, hyfforddiant ac ymgyrchoedd gwahanol.

Cyhoeddodd Llywodraeth y Cynulliad eu Cynllun Gweithredu Rhianta yn 2005. Mae'n seiliedig ar Gonfensiwn y Cenhedloedd Unedig ar Hawliau'r Plentyn, a'i nod yw rhoi cyngor a gwybodaeth i rieni. Mae'r Llywodraeth hefyd wedi mabwysiadu Polisi Chwarae ac wedi addo dileu tlodi plant erbyn 2020.