Â鶹Éç

'S e seo a' bhliadhna shòlasach chaidh stad air còmhstri dhaor,
A sguir an dòrtadh fala air an talamh le droch rùn,
Bhon chaidh an aimhreit thairis rinn an sgaradh às an t-saoghal,
Nach aoibhneach an-diugh ri aithris gu bheil againn a-nis saors'.

Bidh cuimhne air an t-samhradh seo rè fad gach àm is linn,
Cho fad 's a bhios grian is gealach ann, cladach agus tìr,
Nuair sìocud am murtair Gearmailteach, chaidh armailtean fo chìs,
Nuair sgrios iad sìos na h-ainmhidhean bha meanmna Japanese.

Leugh sibh mu na daingnichean, mun ainm An Atlantic Wall,
Chaidh thogail leis a' Ghearmailteach air cost' na Fraing on Spàinn,
Cho fada suas ri Lochlann, bha chuid mhèinnnean air gach tràigh,
Bha deiseil le chuid champaichean gu nàimhdean chur na smàl.

Aig Normandy gun sheall iad dha nach b'ann mar siud a bha,
Nuair dhòirt iad na commandos air, air madainn moch Dimàirt,
Chaidh armailtean taobh Shasainn, gu chuid chladaichean an sàs,
Cha b'fhada a sheas am balla ud, bha e mar ghainmheach air an tràigh.