Â鶹Éç

Seall air na cairtean gnìomhachais ùr againn!

15mh Giblean 2008 16:00, Gerald

Fhuair mi cairtean gnìomhachais. 'S e latha eachdraidheil a tha seo dhòmhsa. Tha mi air ainm a dhèanamh dhomh fhìn mu dheireadh thall.

Tha iad seo cudromach. Tha a h-uile sgioba riochdachaidh a chaidh gu Sìona air innse dhuinn gu bheil iad luachmhor dha-rìribh. Tha iad a’ dearbhadh cò thu. Tha iad air am meas mar rudan glè chudromach ann an Sìona.

'S e an rud as fheàrr mun tè agamsa, nuair a thèid a tionndadh - m’ fhiosrachadh pearsanta ann an Sìonais!

Ag ullachadh

15mh Giblean 2008 16:00, Laura

Ma tha an teicneòlas freagarrach ann an Sìona, bhiodh sinn a' sùileachadh bhidio bhon sgioba gach latha fhad 's a tha iad ann ('s dòcha bho Dhiluain gu Dihaoine). Ach dh'fhaodadh nach bi cothrom aca sin a dhèanamh, agus nach fhaigh sinn ach teacsa agus dealbhan bhuapa air cuid de làithean. Cha bhi fios againn air an sin gus an tig an t-àm.

Tha e an urra riumsa na stuthan "pre-production" air fad a chur suas air an làraich. Tha mòran dhen teacsa agus bhidio ri eadar-theangachadh bho Bheurla gu Gàidhlig, seach nach eil comas Gàidhlig aig an sgioba air fad – 's iongantach gum bi e fada gun tog iad facal no dhà!

Gus an stuth air fad a dheasachadh ann an tìde, bha eadar-theangaiche a dhìth oirnn, ach cha robh sin na thrioblaid oir tha eòlas againn air duine no dhithis a bhiodh glè fhreagarrach.