Â鶹Éç

Tha an loidhne-tìde seo ag innse eachdraidh an Dàrna Cogaidh. Tagh bliadhna agus gheibh thu a-mach cuid dhe na bha dol aig an àm sin.

30 Faoilleach

Mhaoidh Hitler air na h-Iùdhaich ann an òraid anns an Reichstag.

15/16 Màrt

Fhuair na Gearmailtich smachd air Czechoslovakia.

1 Sultain

Thuirt Hitler nach robh ann an gealladh Munich, ach "a scrap of paper". Chaidh arm na Gearmailt a-steach dhan Phòlainn.

3 Sultain

Bha Breatainn agus an Fhraing air a ràdh gum biodh iad deònach sabaid an aghaidh na Gearmailt nan toireadh iad ionnsaigh air a' Phòlainn. Air an treas latha den t-Sultain, sin a thachair - thòisich an Dàrna Cogadh le Astràilia agus New Zealand cuideachd air taobh Bhreatainn.
Chaidh feachd à Breatainn ( British Expeditionary Force ) a chur dhan Fhraing.
Chaidh an Athenia a chur fodha le U-30 is chaill còrr air ceud duine am beatha.

4 Sultain

Thug an RAF ionnsaigh air Nèibhidh na Gearmailt.

5 Sultain

Thuirt Ameireaga nach gabhadh iad taobh seach taobh anns a' chogadh.

6 Sultain

Thàinig Afraga a Deas dhan chogadh air taobh Bhreatainn.

10 Sultain

Thuirt Canada gu robh iad a' dol a shabaid.

17 Sultain

Thàinig an Ruis dhan chogadh, a' toirt ionnsaigh bhon ear air a' Phòlainn.

27 Sultain

Dh'aidich A' Phòlainn gu robh an dùthaich fo smachd nan Gearmailteach.

14 Dàmhair

Chuir na Gearmailtich HMS Royal Oak fodha ann an Scapa Flow ann an Arcaibh. Chailleadh 833 duine.

8 Samhain

Thugadh ionnsaigh nach do shoirbhich air beatha Hitler.

13 Samhain

Blàr Abhainn Plate ann an Argentina. Mu dheireadh chuir an sgiobair aice Hans Langsdorf an Admiral Graf Spee fodha seach cumail a' sabaid an aghaidh HMS Ajax agus HMS Achilles.

30 Samhain

Chaidh Arm Dearg nan Ruiseanach a-steach a Fhionnlainn is thòisich "Cogadh a' Gheamhraidh".

Sultain 1939 - Cèitean 1940

Seo an t-àm ris an cante a' Phoney War anns an Fhraing.