 |
|
 |
Sut all fy mhlentyn i ysgrifennu gwell storïau? |
|
|
Mae ffyrdd o ysgrifennu gwell storïau. I ddechrau, os yw plant yn darllen llyfrau da, byddant yn ysgrifennu gwell storïau, ac yn cael eu hysgogi i ysgrifennu am eu profiadau eu hunain. Gall darllen gyda'ch plentyn helpu i ddatblygu'r math hwn o ddiddordeb. Dyma rai awgrymiadau ymarferol ar gyfer ysgrifennu storïau i helpu plant: - Peidiwch ag ysgrifennu am ormod o gymeriadau - mae dau neu dri yn ddigon. Oni bai eich bod yn disgrifio rhywbeth sydd wedi digwydd o ddifrif, dylech ymwrthod â'r demtasiwn i'ch rhoi chi eich hun a'ch ffrindiau yn y stori. Defnyddiwch eich dychymyg i greu cymeriadau newydd.
- Dechreuwch eich brawddegau ag amrywiaeth o eiriau (mae'n hawdd iawn dechrau dro ar ôl tro gyda'r person rydych yn ysgrifennu amdano, gan wneud y peth braidd yn ddiflas: 'Mae Bryn yn codi ac yn bwyta'i frecwast. Mae Bryn yn mynd i'r dref. Mae Bryn yn cyfarfod Ann.' Yn lle hynny, beth am newid ychydig ar drefn y geiriau: 'Ar ôl iddo fwyta'i frecwast, aeth Bryn i'r dref. Dywedodd Ann helo wrtho ar ôl iddo gyrraedd.')
- Cadwch y dechrau (lle rydych yn cyflwyno'r darllenydd i'r cymeriadau a'r lleoliad) a diwedd y stori yn fyr. Dylai'r rhan fwyaf o'r stori fod yn y canol, lle mae pethau'n digwydd a lle mae'r cymeriadau'n meddwl ac yn teimlo.
- Rhowch broblem i'ch prif gymeriad ei datrys ar ddechrau'ch stori - yna bydd y darllenydd eisiau dal i ddarllen hyd y diwedd er mwyn gweld sut mae'r broblem yn cael ei datrys.
- Cyn i chi ddechrau, dylech wybod beth sy'n digwydd ar ddiwedd y stori, fel nad ydych yn cynnwys manylion nad oes a wnelont ddim byd mewn gwirionedd â'r diwedd.
- Cyfyngwch eich deialog i bedwar darn o gyfnewid geiriau mewn paragraff. Mae gormod o ddeialog yn gwneud storïau'n anodd i'w darllen.
- Mae stori fer a diddorol yn llawer gwell nag un hir a diflas!
- Darllenwch eich stori'n ofalus cyn ei dangos i rywun arall, er mwyn gweld a oes angen i chi newid rhywbeth.
Sut mae modd eu cyhoeddi?
Yn falch o'r hyn y maent wedi ei wneud? Mae gwaith ysgrifenedig angen darllenwr. Mae plant wrth eu bodd yn gweld eu gwaith yn cael ei arddangos ar waliau a drysau lle gall pobl eraill ei ddarllen. Y dyddiau hyn, mae llawer o lefydd lle gellir cyhoeddi gwaith plant ar y rhyngrwyd. Felly beth am eu hannog? Gwefan ddefnyddiol:
bbc.co.uk Cbeebies
Cyngor a gwybodaeth ynglyn â helpu'ch plentyn i ysgrifennu. Dyw'r Â鶹Éç ddim yn gyfrifol am gynnwys safleoedd rhyngrwyd allanol |
|
|
|
 |
|
|
|
|
