Â鶹Éç

Gall sylweddoli'n gynnar pa arddull dysgu y mae'ch plentyn chi'n ei ffafrio eich helpu i'w annog i ddysgu pan rydych yn gweithio gydag ef gartref. Mae hefyd yn bwysig bod yn ymwybodol o'ch arddull chi - gallai wrthdaro ag arddull eich plentyn.

Pa arddull dysgu yw eich un chi? - (neu pa rai - efallai eich bod yn defnyddio cyfuniad). Sut mae'ch plentyn yn wahanol i chi a sut allwch chi ddefnyddio'ch cryfderau chi a'i gryfderau ef mewn modd ategol er mwyn ei helpu i ddysgu gartref?

Arddulliau dysgu

Mae seicolegwyr wedi categoreiddio arddulliau dysgu mewn sawl ffordd, ond dyma un ffordd o edrych ar bethau, a phedair arddull i ddewis ohonynt:

1. Dysgwr gweledol

• Angen gweld pethau ac yn hoffi gweld pethau
  
• Yn dysgu drwy ddelweddau - yn gallu cofio'r lluniau ar dudalen
  
• Yn mwynhau celf a thynnu lluniau
  
• Yn darllen mapiau, siartiau a diagramau'n dda
  
• Â diddordeb mewn peiriannau a dyfeisiau
  
• Yn chwarae gyda Lego a theganau adeiladu eraill, ac yn hoffi jig-sos
  
• Yn gallu bod yn freuddwydiwr yn y dosbarth

Er mwyn annog dysgu:

• Defnyddiwch gemau bwrdd a gemau cofio i greu patrymau gweledol
  
• Awgrymwch gliwiau gweledol wrth ddarllen gyda'ch gilydd - gadewch i'ch plentyn 'beintio' ei luniau ei hun yn ei feddwl wrth iddo ddarllen y stori
  
• Cynigiwch lyfrau lluniau o bob math, hyd yn oed wrth i'r plentyn fynd yn hyn
  
• Anogwch y plentyn i ddychmygu'r stori ac ategwch hyn bob yn ychydig
  
• Anogwch y plentyn i ysgrifennu drwy ddefnyddio gwahanol liwiau i ysgrifennu
  
• Dysgwch dechnegau 'mapio meddwl' i blant hÅ·n, er mwyn eu helpu i ddysgu a galw gwybodaeth gymhleth i gof
  
• Dangoswch fideos o ddramâu, ffilmiau ac yn y blaen er mwyn ategu'r storïau maent yn eu hastudio

2. Dysgwr cinesthetig

• Yn prosesu gwybodaeth drwy deimladau corfforol
  
• Eisiau rhywbeth i'w wneud o hyd, ddim yn gallu eistedd yn llonydd am lawer o amser
  
• Yn cyfathrebu drwy ddefnyddio iaith corff ac ystumiau
  sos
• Yn dangos i chi yn hytrach na dweud wrthych
  
• Eisiau cyffwrdd a theimlo'r byd o'i gwmpas
  
• Yn dda am ddynwared eraill efallai
  
• Yn mwynhau chwaraeon neu weithgareddau eraill lle gall symud o hyd

Er mwyn annog dysgu:

• Mae symudiadau'n helpu'r plant hyn - gadewch iddynt symud o gwmpas ar ôl ychydig tra maent yn astudio
  
• Gall gwm cnoi, cael dwdlan neu chwarae gyda rhywbeth fel mwclis eu helpu i ganolbwyntio
  
• Defnyddiwch arbrofion a gweithgareddau ymarferol, prosiectau celf, teithiau natur neu gyfle i actio storïau, er mwyn iddynt allu 'teimlo' y gweithgareddau
  
• Osgowch bethau nad ydynt yn eu hoffi - cynlluniau tymor hir, prosiectau cymhleth, tasgau papur a phensel, llyfrau gwaith.

3. Dysgwr clywedol

• Yn meddwl mewn geiriau ac yn troi cysyniadau'n eiriau
• Yn sillafu geiriau'n gywir ac yn rhwydd, gan eu bod yn gallu clywed y gwahanol synau felly'n tueddu i ddysgu'n ffonetig yn hytrach na thrwy dechnegau 'edrych a dweud'.
  
• Yn gallu bod yn ddarllenwr da, er bod yn well gan rai y gair llafar
  
• Yn gallu cofio enwau, dyddiadau a manion bethau'n dda iawn
  
• Yn hoffi gemau geiriau
  
• Yn mwynhau defnyddio peiriant recordio ac yn aml iawn â thalent gerddorol
  
• Fel arfer yn gallu dysgu tablau'n weddol hawdd

Er mwyn annog dysgu:

• Eu hannog i greu problemau geiriau eu hunain
  
• Gofynnwch iddynt ddweud stori wrthych chi a gwylio tra rydych chi'n ei hysgrifennu/teipio
  
• Darllenwch yn uchel gyda'ch gilydd a thapiwch sesiynau er mwyn eu chwarae'n ôl yn nes ymlaen
  
• Prynwch neu benthycwch lyfrau ar dâp iddynt
  
• Ar gyfer plant hyn, recordiwch wybodaeth ar dapiau.

4. Dysgwr rhesymegol

• Yn meddwl mewn cysyniadau, yn hoffi archwilio patrymau a chysylltiadau
  
• Yn mwynhau posau a gweld sut mae pethau'n gweithio
• Yn gofyn cwestiynau ac yn meddwl o hyd
  
• Yn hoffi cysondeb a threfniadau arferol
  
• Yn gallu meddwl yn rhesymegol mewn ffyrdd haniaethol iawn yn ifanc
  
• Yn gwneud symiau pen yn hawdd
  
• Yn mwynhau gemau strategaeth, cyfrifiaduron ac arbrofion gyda phwrpas
  
• Yn creu ei gynlluniau ei hun i'w hadeiladu gyda blociau/Lego
  
• Ddim cystal am bethau mwy 'creadigol'.

Er mwyn annog dysgu:

• Gwnewch arbrofion gwyddonol gyda'ch gilydd a gofynnwch iddynt gofnodi'r canlyniadau. Am wybodaeth ynglyn ag astudio gwyddoniaeth gyda'ch plentyn, ewch i'r wefan
  
• Defnyddiwch gemau dysgu a phosau geiriau cyfrifiadurol fel y rheiny ar
  
• Cyflwynwch lyfrau ffeithiol a llyfrau odlau.