Fel pe na bai bywyd yn ddigon anodd yn barod i bobl ifanc yn eu harddegau, mae'n ofynnol i blant o Flwyddyn 10 ymlaen gwblhau gwaith cwrs ar gyfer llawer o'r pynciau y maent yn eu hastudio. Ac mae'n bwysig: mewn rhai pynciau, mae cymaint â 30% o'r marciau am waith cwrs yn hytrach na'r arholiad terfynol.
Gall cwblhau'r gwaith cwrs hwn fod yn hunllef, gan fod hyd yn oed y plant mwyaf cydwybodol yn ei chael yn anodd i drefnu eu hamser, yn tueddu i anghofio dyddiadau cau ac i oedi cyn gwneud rhywbeth.
Er mwyn sicrhau tawelwch meddwl i chi eich hun, gofynnwch am fwy o fanylion gan yr ysgol ynghylch pa bryd y mae pob darn o waith cwrs i fod i gael ei gwblhau. Gwnewch amserlen y gellir ei dilyn a gwnewch yn siwr bod eich plentyn yn cadw ati.
Does dim angen dweud na ddylech helpu gydag arholiadau sy'n rhan o waith cwrs. Ond nid yw hynny'n golygu na ddylech deimlo'n rhydd i drafod pynciau gyda'ch plant, eu helpu i ddod o hyd i ddeunydd ymchwil perthnasol mewn llyfrgelloedd ac ar y rhyngrwyd, cynnig cyngor cyffredinol ac, wrth gwrs, ddarparu digon o anogaeth.
Ceisiwch wneud y broses o adolygu ar gyfer arholiadau yn bennod sy'n agor drysau ym mywyd eich plentyn, yn hytrach na chyfnod dychrynllyd. Oes, mae modd gwneud hyn! Ond dim ond os ydych yn dal i atgoffa'ch plentyn nad y canlyniad terfynol sy'n bwysig i chi, ond y ffaith ei fod wedi gwneud ei orau.
Yn ystod yr wythnosau adolygu hollbwysig hyn, byddwch yn barod i fod yn hyfforddwr personol, cogydd, cynorthwy-ydd ymchwil, gwas bach, codwr calon ac ysgwydd i grio arni. Rhowch ddigon o sylw i'ch plentyn - bydd pethau yn ôl fel arfer, wrth gwrs, pan fydd yr arholiadau drosodd!
Ceisiwch helpu'r plentyn i fod yn drefnus:
- helpwch i lunio amserlen adolygu realistig.
- gofynnwch am gael gweld amserlen yr arholiadau (a allai gynnwys arholiadau ar gyfer nifer o wahanol fyrddau arholi).
- cyfeiriwch nhw at safleoedd fel y Â鶹Éç sy'n cynnwys cyngor da ond gofalwch nad ydynt yn cael eu temtio i wastraffu amser adolygu gwerthfawr drwy syrffio gormod ar y we.
Helpwch nhw i ddysgu:
- siaradwch gyda nhw am bynciau astudio a phrofwch nhw er mwyn cael gweld faint y maent wedi ei ddysgu.
- Gofynnwch gwestiynau am y pwnc, mwy o gwestiynau, a mwy fyth. Mae rhieni'n gallu bod yn dwp iawn, cofiwch! Bydd gorfod egluro pethau'n fanwl wrthych chi'n eu helpu i gael trefn ar eu meddyliau.
Mae gwthio a cheisio dwyn perswâd a swnian hen-ffasiwn yn iawn o bryd i'w gilydd ond dim ond gyda digon o gariad a gofal.
Gwefannau defnyddiol
I helpu plant Cyfnod Allweddol 2 i wynebu eu profion.
Canllawiau i rieni ar arholiadau a phrofion ysgol gynradd.
Cymorth i ddadansoddi canlyniadau profion cynradd.
Cyngor ar gyfer plant ysgol gynradd sy'n gwynebu arholiadau.
Sut i ddadansoddi canlyniadau arholiadau.
Cyngor i rieni ar helpu'ch plentyn i baratoi ar gyfer TGAU.
Am gyngor ynglyn â dewis pynciau yn yr ysgol uwchradd a beth i wneud ar ôl yr arholiadau.
Sut i ymdopi â straen arholiadau yn yr ysgol uwchradd.
Cyngor am adolygu yn arbennig ar gyfer rhieni.
Am fwy o wybodaeth am y gwahanol fyrddau arholi, ewch i'r safweoedd canlynol.
Dyw'r Â鶹Éç ddim yn gyfrifol am gynnwys safleoedd rhyngrwyd allanol
