 | LLUN 17eg Tachwedd 2014 Hygyrchedd Geiriau Yn Unig |
| |
| Â鶹Éç Homepage | | | ||||||||
| |||||||||||
| » | Hanes Cofio Cymru Cymru ar yr Awyr Taith yr Iaith Canrif o Brifwyl Â鶹Éç Cymru'r Byd Chwaraeon Y Tywydd Pobol y Cwm Adolygiadau C2 Llais Llên Tramor Gemau E-gardiau Radio Cymru | | |||||||||
|
| | |||||||||
| Ymateb Cymorth Wedi mwynhau'r ddalen hon? Anfonwch hyn at gyfaill! Ìý | | |||||||||
|
|
About the Â鶹Éç | Help | Terms of Use | Privacy & Cookies Policy |
Castell Normanaidd Penfro
Y Normaniaid sy’n teyrnasu yn Lloegr, sy’n deyrnas ganolog, ymhen
fawr o dro. Ond mae Cymru, sy’n fwy datganoledig, yn fwy anodd i’w
choncro. Erbyn 1100 y mae’r Normaniaid wedi’u gyrru allan o Wynedd,
Ceredigion a’r rhan fwyaf o Bowys. Gruffudd ap Cynan sy’n rheoli Gwynedd.
Y mae Cadwgan ap Bleddyn o Bowys a Gruffudd ap Rhys ap Tewdwr yn ceisio
sefydlu’i hunan yn y Deheubarth. Yn yr ucheldir ar y ffin ac yn y
de-ddwyrain y mae aelodau’r hen deuluoedd brenhinol Cymreig yn brwydro
i ddal gafael yn eu hawdurdod.
Felly y mae Cymru’n cael ei rhannu rhwng yr ardaloedd hynny sydd dan
reolaeth frodorol arglwyddi y cestyll Normanaidd - rhwng Pura Walia
a Marchia Wallie. Er bod yr arglwyddi Normanaidd yng Nghymru yn ddeiliaid
brenin Lloegr, nid ydynt yn byw dan gyfraith Lloegr. Y maent yn annibynnol
ac maent yn rhydd i gynnal llysoedd, adeiladu cestyll a rhyfela. Bydd
y Mers yn para mewn rhyw ffurf am dros bedwar cant a hanner o flynyddoedd,
ac fe fydd yn elfen bwysig yn hanes Cymru.
