Â鶹Éç

Màiri Anna NicUalraig

Rugadh agus thogadh Màiri Anna NicUalraig ann an Glaschu. Bha a h-athair à Tiriodh agus tha a màthair, Ceana Chaimbeul, ainmeil mar sheinneadair agus mar neach-teagasg sheinneadairean is luchd-ciùil.

Fhuair i a trèanadh mar neach-ciùil clasaigeach an toiseach ann an Douglas Academy, sgoil-ciùil shònraichte ann an Glaschu. Cheumnaich i à Acadamaidh Rìoghail Ceòl is Dràma na h-Alba (an RSAMD) agus lean i oirre a' rannsachadh ciùil anns an Royal Northern College of Music ann am Manchester.

Choisinn i Bonn Òr a' Chomuinn Ghàidhealaich aig Mòd Ghlaschu ann an 1988 agus am Bonn Òr airson seinn san t-Seann Nòs a' bhliadhna ron a' sin.

Thug i grunn bhliadhnaichean ag obair anns an t-seòmar-naidheachd aig Â鶹Éç Radio nan Gàidheal an Inbhir Nis ach leig i às an obair sin airson a bhith làn-ùine an sàs ann an ceòl.

Tha Màiri Anna air a bhith aig cridhe iomadh pròiseact sònraichte co-cheangailte ri ceòl, ri òrain agus ri Gàidhlig, nam measg Lasair Dhè a chruthaich ceòl ùr airson sailm Ghàidhlig agus a choisinn duais Saltire dhith ann an 1999.

A bharrachd air a bhith a' seinn agus a' cluich piàna agus clàrsaich air feadh na dùthcha agus thall thairis, tha Màiri Anna aithnichte mar riochdaire ciùil. Mar eisimpleir 's i a dheasaich an ceòl airson an t-sreath telebhisean Aig Cridhe ar Ciùil agus bha i ri faicinn a' brosnachadh agus a' misneachadh chàich anns an t-sreath A' Gharaids air Â鶹Éç ALBA. 'S i cuideachd a tha a' cumail smachd air Na Seòid.

Tha i cuideachd aithnichte mar neach a tha a' cruthachadh ceòl ùr agus tha i air obair a dhèanamh, mar eisimpleir, do Fhèis Eadar-nàiseanta Dhùn Èideann. Tha i a' lìbhrigeadh phrògraman-ciùil air Â鶹Éç Radio nan Gàidheal, Â鶹Éç Radio Scotland agus Â鶹Éç Radio 3.

Tha Màiri Anna a' fuireach agus ag obair ann an Àird Ghobhair.