Â鶹Éç

A' clàradh airson rèidio

29mh Cèitean 2008, Cathaidh

An-diugh bha mi anns an stiùidio mhòr a-rithist a' clàradh dà dhràma airson an t-sreath rèidio Èisteachd agus Labhairt. Tha iad mu seanmhair a tha a' tilleadh na manadh agus tha a' cur beatha a h-ogha, Alex, bun os cionn! Seach gun robh mi air a bhith clàradh t-seachdain roimhe bha mi na b' eòlaiche air an ùine a bheireadh e an stiùidio fhaighinn air dòigh a thaobh teicneòlais mus tòisichinn a' claradh gach seallaidh.

'S e Mic an t-innleadair fuaim a bha a' toirt taic dhomh anns an stiùdio fad na seachdain. Fhuair mi comhairle feumail bhuaithe airson an ath thurais cuideachd. Ged a tha fuaimean sònraichte ri chur ri na dràmathan, airson a thoirt a chreidsinn air an luchd-èisteachd gu bheil na suidheachaidhean dha-rìribh a' tachairt, mhol Mic dhomh gum biodh e air a bhith air leth feumail nam biodh sinn air coinneachadh ro làimh agus dh'fhaodadh e a bhith air na fuaimean sònraichte a chur ri na dràmathan fhad 's a bha sinn gan clàradh an àite a bhith gan cur ann as dèidh làimh - agus shàbhaladh seo ùine cuideachd. Tha e cho fìor, mar as fheàrr a nì thu ullachadh, is ann as fhasa. Seo rud a tha mise air ionnsachadh son an ath thurais a bhios mi a' clàradh dràmathan son rèidio.